حكاية من 6 شهور بالظبط دخلت اصحى جوزى عشان يصلى الفجر

تعالو اما افرفشكم شويه 
من 6 شهور بالظبط
دخلت اصحى جوزى عشان يصلى الفجر 
انا دايما عصبيه يا جماعه 
وبزعق ڠصب عنى 
وكل شويه جوزى الاقيه بيدعى عليا 
المهم دخلت اصحيه عشان الصلاه ومكنش سامعنى 
قومت مقربه من ودنه وبصووووت عالى 
محمااااااااااه اصحى يا محماااااااااه 
لقيته قايم مڤزوع ووقع من ع السرير وبيقول 

نيله عليك وعلى محمد ف يوم واحد  
انا هصلى هنا مش ف الجامع 
المهم 
وهو بيصلى سمعته بيدعى عليا 
الهى ما اسمع صوتك ابدا يا سعاد يابنت نحمدو وتطرشي بحق جاه النبى!! 
وهنا بقي...
قررت اشغل دماغى واخد حقى  
وانتوا عارفين دماغ الستات بقا ف المصاېب عامله ازاى... 
الباشا خلص صلاه وراجع عشان ينام 
بينده عليا وانا مش سامعاه  
اصحى ياوليه اتاخرى شويه انتى نايمه بالعرض كده ليه 
وانا عامله مش سامعه 
وكل شويه اقول 
هبابابا هبابابا هبابابابا كأنى خرسه  
من كتر منا منسجمه ف الدور حسيت انى طرشه بجد 
وهنا بدأ يقلق 
قرب لغايه عندى وقام مصحینی بایده. بیزغدنی ف قلبی کده وقالى انتى سامعانى ولا لا. انا شاورتله براسي قولتله لا قعد يعيط
المهم فضل يقرا عليا قرآن طول الليل
وانا كنت ناويه اصحى تانى يوم اقوله على كل حاجه واعرفه ان الدعوه ممكن تستجاب ف اي وقت
بس مالحقتش... وربنا ما لحقت لقيته داخل عليا بشيخ الصبح وشاورلى وقالى البسي عبايتك الشيخ هيرقيك لانك شكلك محسوده. كلنا شكلنا محسودين المهم الشيخ قرا عليا وبعدين قال لجوزي هي كويسه مافيهاش حاجه الطرش والخرس اللى عندها ده ممكن حاله نفسيه ووديها لدكتور قالى تعالى نروح المستشفى انا كتبتله وقولتله سيبنى يومين عشان خۏفت اروح المستشفى ويكتشفوني هناك
فضل كل يوم يجيبلى شوكولاته وورد ويوديني كل يوم مطعم شكل نتعشى فيه عيشت ملکه اسبوع بحاله لغايه يوم أغبر منيل بستين نيله
انا طفسه الصراحه وكنت ھموت واكل ممبار المهم هو بيتصل عليا عشان يطمن عليا وطبعا بخلى العيال اللى تكلمه وترد عليه المفروض انى خرسه وطرشه بقي ف اليوم ده العيال كانت لسا نايمه المهم انا رديت وفضلت اهبهب اهبهب وافتكرت الممبار
المهم هبهبت تانى بالكلام وقولت هبابابا هبابابا
هربار قالی ايه هربار دى مش فاهم يا سعاد رديت بكل هبل وقولتله خلاص استنى هكتبلك ع الواتس وعشان هو اهبل منى دو
قالی ماشى اكتبيها احسن لاحسن مش فاهم دو حاجه منك انا اول ما قفلت معاه فضلت اقرا كل القرأن اللي جه ف بالي عشان هو مخدش باله بعد ساعه لقيته بيتصل عليا
بيقولى سعاد هو انتى كلمتينى وسمعت صوتك من شويه ولا انا بيتهيألى وانا عماله اقوله هابابا هابابا بيتهيألك والله هو سمع کلمه بيتهيألك والله دى ونزل عليه سهم د الله وقالى 5 دقايق وهكون عندك يابنت الكلب ياواطيه
وانا ارد واقوله هبابا والله هبابا یعنی والله خرسه یعنی والله هبابا اه يابنت الوارمه بقا انا تعملى فيا كده وعينيكو ماتشوف الا النور
شهر راقده ف المستشفى ايديا الشمال اتجبست ورجلى اليمين اتلوحت وابتديت اشوف بعيني بعد اسبوعين
واهو الحمد لله لسا عايشه ولغايه دلوقتى كل ما يشوفنى يضحك ويقولى اه يابنت بالله عليك لو ضحكت او حتي ابتسمت بضحك صلي علي نبينا محمد صلي الله عليه وسلم