قصه حدثت في احد مساجد ذمار

قصه حقيقية

 حدثت في احد مساجد ذمار 

والله اننا من كثر الضحك ما قدرت اكمل القصة هذي قصة حقيقية حصلت في احد مساجد اليمن من الشيخ أبو عماد يقول صاحبنا " امس ټوفي واحد ساكن بالشارع الثاني اللي انا ساكن فيه الجماعة كانوا عاملين عزاء المرحوم ابو ناصر .. رجل كبير بالعمر .

الله يرحمه ويحسن اليه . المهم بعد ما صلوا عليه بالمصلى اللي جنبنا وډفنوه رجعوا النعش" اللي يحملو فوقها الچنازة " وكان الوقت بعد العشاء والمسجد مقفل وطرحو النعش في الصرح عند باب المسجد وفي صلاة الفجر بيجي عامل الجامع بيرجع النعش لمكانه .

المهم اجاء واحد للمسجد تقريبآ الساعة 3 ونص .. حصل الصرح مفتوح وباب المسجد مقفل انتظر قليل وماحد فتح المسجد .. المهم الرجال تجمد من البرد شاف النعش مطروح عند الباب وفيه البطانية قام وفتح النعش وشل الطراحة اللي في القعادة اخذها وراح في نوم عميق داخل النعش..

تقريبا نصف ساعة وصل عامل المسجد ليفتح باب المسجد شاف النعش فيه مېت حسب بيصلو عليه بعد الفجر والناس نوم بتدخل وتروح باتجاه الحمامات والبركة وجاء واحد جنبه حسب كل واحد ان المېت تبع الثاني قال له ندخل عند المحراب وتساعدو وزاد شخصين اخذو معهم النعش لجنب المحراب

والناس نوم ماتعرف المېت تبع من وماحد ركز لانهم قامو من النوم ...طسيس المهم .. اذن الفجر وحضر المصليين مايقارب الخمسين شخص اقامو الصلاة انا من بينهم وقفت بالصف الاول . وبدئنا ودخلنا بالصلاة وبالركعة الثانية يا جماعة شفت النعش بيتحرك 

ايش في 

مش معقول .!!!!!!! مسحت عيوني وغمضتهم وفتحتهم .. قلت يمكن انا في حلم .. المهم النعش بجانب المحراب مازال بيتحررك أمام المصليين والإمام !!!! هنا بدأت الوساويس تجي برأسي والخۏف والقلق .. ​المهم​ قام الاخ اللي داخل النعش صحى من النوم وفتح غطاء النعش وخرج راسه ..

وقال : صليتوا 

​هنا وقعت الفاجعة للجميع​ وعينك ماتشوف الا النور لو تشوفوا ايش حصل بالمسجد 

انا من ناحيتي خرجت من المسجد حافي وبسرعة ​كيلو متر بالدقيقة​ للبيت ومش عارف اننا حافي ..

 شفت الإمام دوخ وسقط بالارض

 وباقي الناس الي صدم راسة بالجدار

 والي خرج حافي مثلي

والي سقط عند مكان الوضوء في البركة 

وعينك ما تشوف الا النور

 ، ولا بقى واحد بالمسجد الكل هرب

 ​واللي يموتك ضحك​ ان الرجال الذي خرج من النعش هرب مع من هرب ويلحق وراهم ويصيح ياناس ايش حصل او قامت القيامة ولا ايش وهم كل مايلتفتوا يلقوه داعس وراهم ويزيدوا يطيروا اكثر

وهو جالس يصيح ليش ما صحيتوني اصلي الفجر حسابكم على الله بدون ما يعرف انه سبب الذعر والخۏف هذا كله

فعلا والله حصلت بليمن مش نكتة