يعني هو مفيش غيري يارب .. دة انا غلبان !
يعني هو مفيش غيري يارب .. دة انا غلبان !
كنت بنقل عفش بيتي وأنا لسه عريس ، وأنا ساكن في الدور ال١٢ المهم فيه ونش بيطلع العفش
وكانت فيه حاجات بسيطه بطلعها في الاسانسير .. يعني مرايات، شويه كوبايات كدة يعني
والونش بينقل التلاجه من الارض للدور بتاعي ، قولت هطلع في الاسانسير مع شويه الازاز دول عشان دي آخر حاجه هتطلع
يا دوب بفتح الاسانسير وضغط على دور اللى ١٢ سمعت صوت
- هوب هوب حااااااسب حاااااسب ..
وفجاه حاجه هبدت في الشارع ! !
سبت الاساسنير وجريت لقيت التلاجه حتتين على الأرض وكل حته في ناحيه
الراجل صاحب الونش مكنش مستوعب ولا أنا ومش عارف أعمل إيه؟!!
والناس تحلف بالله أن كل حاجه مربوطه ومش عارفين فكت إزاي عشان تقع ..
- واحنا اسفين واللى عاوزة وحقك وووو....
المهم عدي شويه وهديت ، ولقيت البواب طالع بعدها على طول جري وبينهج
الحمدلله يا بشمهندس.. الحـمد لله
مالك يا عم عادل خد نفسك بس !!؟
= الأسانسير .. بيكهرب وفيه مشكله جامدة فكرتك جوا ..
أنا في حاله ذهول غير طبيعي!!
ده انا لسه كنت هركب فيه لولا إني سمعت في حاجه هبدت في الشارع .. يعني كان زماني مېت ؟!
شوف يااخي ، ربنا ممكن يعمل معاك حاجه من وجه نظرك البشري تحسها مؤذيه أو ضرر ليك
بس في الحقيقه انك رُحمت .. وقضاء ربنا دايما حلو
الله اعلم لو مكنتش خرجت لما التلاجه وقعت كان زماني عايش ولا مېت
دايما الصورة عمرها ما هتوضح ليك في كل مرة ربنا يبتليك فيها بحاجه ، إنت بس اللى هتفكر إنها وحشة
لكن لو ربنا مش حاجب عننا تدبيره كنت فهمت إن لكل حاجه من تدبيرة فهي في حياتك خير على الله بس تفهم دة
واقعيه..
