رساله ربانيه للى قلقان من رزقه وكل يوم شايل هم رزقه وهم بكره …
رساله ربانيه للى قلقان من رزقه وكل يوم شايل هم رزقه وهم بكره …
الصوره دى من البلكونه عندى كل يوم بعد ما انضف البلكونه الاقى حتة اكل صغيره محطوطه على كومبرسور التكييف ....وكنت بستغرب بتيجى منين ...وشويه ملاقيهاش ....النهارده قاعده قدام البلكونه لقيت عصفور جاب حتة الاكل الصغيره وحطها فى نفس المكان وقعد يصوصو وشوية لقيت عصفور تانى اللى عاليمين جه وقعد ياكل الاكل ده لحد ما خلصه والعصفور اللى جاب الاكل قاعد يحرسه لحد ما خلص اكل ...ولما لقى عصافير تانيه جايه تاكل مع العصفور ده قعد ېصرخ فيهم ومنعهم يقربوا لحد ما العصفور خلص اكله ....بركز فى العصفور اللى عاليمين ده لقيت رجله مكسوره …
بركز فى العصفور اللى عاليمين ده لقيت رجله مكسوره ويادوب بيعكز عليها على خفيف عشان ياكل فى حمى العصفور الاول .....
للعلم انا ساكنه فى الدور التالت يعنى مش قريبه من الارض خالص ...وفى قدامى مكان كبير حد بيحط اكل للعصافير تاكل ......بس واضح ان فى علاقة خاصه بين العصفور ابو قلب كبير خلاه يحط الاكل للضعيف فى مكان هادى ميزعجوش ....تقريبا انا الشقه الوحيده فى العماره اللى مفيهاش اطفال يزعجوا العصفور ...
سبحان الله اللي بيسخر الرزق للأنسان والطير والحيوان سبحان مقسم الأرزاق
حبيبي ياربي ياللى رازقنا واحنا فى بيوتنا ❤❤
