حكاية جارتي العنيده

جارتنا اللى فوق جت سكنت جديد بقالها ٣ اسابيع، بس جارة سوء جدا ..
عامله مع كل العمارة مشاكل وكمان الناس ال في شارع

في الطالعه والنازله تعاند في امي وتعمل مشاكل .. وترمي اكل للقط عند باب الشقه بتاعتنا بالعند فينا ..

وتكب ميه على الغسيل وحصلت بلاوي حرفيا وكانت وحشه جدا فوق ما تتخيلوا..

واحنا راجعين من السوق، شوفتها ف البلاكونه وقولت ل امي

فلانه واقفه...

" فهزت راسها اللى هو ماشي "

واحنا داخلين العمارة لقيتها كبت ميه حرفيا كانت هتبهدل هدومنا، لسه هزعق وامسك فيها امي شدتني ودخلت العمارة وطلعنا الشقه قالتلي:

- يا نهله متبقيش حاسه اننا ضعفاء ولا اننا مش عارفين نلمها، استهدي بالله كدة ربنا مبيفوتش لحد!

نفس اليوم كان شتا جدا وحرفيا مفيش شبر تعرف تمشي فيه

شوفناها وهي جايه شايله حجات وقعت اتزحلقت بكل الاكياس في الأرض وكل حاجه معاها اتبلت ميه!

امي جريت حرفيًا جري رهوان، لبست الأسدال وانا لفيت الطرحه ونزلنا شلنا الاكياس وسندناها لحد باب شقتنا

هنا كل شئ اتغير، الست مكنتش مصدقه اننا احنا ال عملنا كدة ولا واحد من الناس جري عليها بنفس اللهفه آخرهم قومها ومشيوا !

من بعدها مبقتش تعمل اي مشكله، وبقت ترمي السلام على امي وبقت طيبه جدا

لدرجه انها لما تيجي تنشر الغسيل تنزل تستأذن تقول ل امي

- هنشر غسيلي فممكن تشيلي الغسيل بتاعكم لو نشفولو لسه منشفش أنا حستني لحد مينشف وبعدها ابقي انشر ..

اتعملت  من امي ان ربنا بيرزق الصابر على الضرر .. وان مهما حصل فالتعامل بالخير بيجي بخير زيه ..

عمر ما ترمي خير يجيلك شړ.. دي أكبر كذبه شوفتها في حياتي لان فعلا الخير للخير ..