حكاية اسرار حماتي
المحتويات
بس دا عشان الانترنت والصحافة لكن هما كانوا موجودين من قبل كدا بقرون وليهم تاريخ طويل اسألني أنا عنه فيه راجل شيخ من عندكم اسمه الشيخ أبو المنصور الفاتح تسمع عنه
لا انا لا اعرف ابو منصور الفاتح ولا أبو منصور الغامق بيعمل ايه دا
دا بقى أشهر واحد حارب عبادة الشيطان الراجل ده كان باحث في علم الحروف انت عارف كل حرف ليه قوة وطاقة معينة اللي درس علم الحروف ده يقدر يعمل المعجزات
يعني انت بعد كل اللي حصلك دا لسه مآمنتش ان دا علم
طب قولي اعمل ايه يا كريلس..
الحل زي ما قولتلك عند ابو المنصور
طب يالا بينا نروحله
هو مين دا اللي نروحله
ابو منصور دا
تروحله فين دا مېت من 600 سنة
الله يحرقك يا اخي ولما هو مېت بتقولي ليه ان الحل عنده..
نعم يا اخويا
اسمع الكلام قولتلك دي حرب أرواح وأبو المنصور دا روحه قوية جدا ولوسيفر مبيخافش من حد قده انا حضرت جلسات كتير في امريكا كانوا بيحضروا فيها روحه عشان يفكوا السحر الأسود والمس السفلي مفيش حل غير أن ابو المنصور يحضر في بيتك..
طب دي هعملها ازاي هحضر روحه ازاي في البيت وسط الشياطين اللي فيه
وسمعت اللي كريلس قالهولي وروحت البيت..
اول ما دخلت البيت قلبي اتقبض البيت اتحول لمتحف من متاحف الشيطان إضاءة نيون حمرا وشمع اسود في كل مكان في الشقة وكفوف على الحيطان بأحجام مختلفة كفوف أطفال وكفوف كبار..
وجماجم متعلقة في السقف..
ومراتي قابلتني لأول مرة بوشها الحقيقي كان شكلها كريه جدا وانيابها بارزة وعينيها حمرا..
قولتلهم انا موافق أعبد لوسيفر بس بشرط
حماتي قالتلي مفيش عبد بيتشرط
لا انا لازم اتأكد من قوة الإله اللي هعبده
ازاي تتأكد
مناظرة هعمل مناظرة بين لوسيفر بتاعكم وبين روح راجل صالح لو كسبتم هسلمكم روحي..
روح مين
ابو المنصور بن الأدهم بن أبو بكر الفاتح
ايه خوفتوا
انت بتلعب لعبة مش قدها
هو ده اللي عندي انا مش هسلم روحي ببلاش وعلى فكرة انا عرفت إنكم متقدروش تئذوني وانا في حمى روح ابو المنصور بعد شوية واحد صاحبي هييجي هنا وهيحضر روح ابو المنصور وتوروني مين هينتصر
واحنا قبلنا التحدي..
بعد ربع ساعة وصل كريلس..
كلنا قعدنا على الكراسي في شكل دايرة وبدأ كريلس يقرأ تعاويذ وطلاسم غريبة من كتاب قديم كان معاه..
شوية شوية بدأ الدخان دا يتلاشى وظهر وراه راجل كبير دقنه بيضا وطويلة ولابس جلابية بيضا وعمة وعباية بيضا بس الهدوم كانت قديمة أوي كإنه خارج من آلة الزمن وجاي من عصر بعيد.. وبدأ يتكلم بصوت جهوري..
السلام على من اتبع الهدى..
انا أبو المنصور الفاتح..
أبو المنصور حضر كان شبه المارد طول بعرض زي ما بيقولوا وليه هيبة وحضور فظيع
وبدأت الحړب بينه وبين الأرواح الشريرة البيت عندي بقى كله أصوات
متابعة القراءة
