حكاية ابويا خلاني
عملت اوعي تكون نسيت اللي عملته فيا وفي امي زمان بس انت لو نسيت انا مش هنسي..
حمدي
كانت غلطه يا ابني ومهما عملت انا ابوك وليا حق عليك انك تراعيني وتراعي ربنا فيا..
ايهاب
انا ما اخدتش منك اي واجب من اللي كانو عليك عشان اديك حقك يا بابا...
_ قال كلامه وسابه وطلع قعد بره وكان مدايق جدا ودموعه نزلت وهو بيفتكر اللي حصل من خمسه وعشرين سنه لما كان عنده عشر سنين..
_ كان ايهاب قاعد هو ومامته في اوضتهم وفجأه سمعو صوت دوشه بره وفاطمه قالت..
فاطمه
ايه الصوت اللي بره ده معقول حمدي جاب حد معاه..
ايهاب
تحبي اطلع اشوف
مين معاه بره واجي اقولك..
ابتسمت فاطمه وقالت
لا يا حبيبي احنا نطلع مع بعض استني بس هحط طرحه علي راسي..
_ ولبست فاطمه حجابها وطلعت لقيت حمدي جوزها قاعد ومعاه واحده لابسه فستان فرح...
مين دي يا حمدي وبتعمل ايه في بيتي انت اتجوزت عليا..
حمدي
ههههه بيتك ايه يا ام بيتك انتي وليه عيانه والمړض مخليكي مش عارفه تاخدي بالك مني وانا لسه في عز شبابي وعايز اعيش ايامي..
فاطمه پبكاء
اخص عليك وعلي اصلك بقي بعد العشره دي كلها مش قادر تتحملني بعد ما ربنا ابتلاني ب مرضي ده..
حمدي پحده
فاطمه بحزن
امشي اروح فين انا وابنك ما انت عارف ان امي ست كبيره وظروفها علي قدها والا والله كنت روحت قعدت عندها ولا اني اشوف وشك..
حمدي بغيظ
طيب ايه رئيك انك طالق متي بالتلاته وما تتعبيش نفسك بقي اكتر من كده وروحي شوفي هتروحي فين..
طلقتني يا حمدي طبعا ما انت استغليت ان اهلي غلابه وما كتبتش قايمه فمش هتخاف تطلقني بس ابنك ده انا هصرف عليه منين..
حمدي
ماليش دعوه هو ابني لوحدي وبعدين مش عايز حاجه تفكرني بيكي واوعي انتي تيجي تخبطي علي بيتي اصلا وابنك اشحتي عليه حتي ماليش دعوه..
فاطمه بسخريه
هتندم يا حمدي ومن كل قلبي هدعي عليك تدوق من اللي انا بدوق منه ده..
طيب غوري يلا بره انتي ما عندكيش نظر ده انا عريس النهارده..
_ وفعلا اخدت فاطمه ايهاب ومشيت راحت بيت امها اللي كان قديم جدا وهي ست كبيره وقالتلها اللي حصل وفضلت ټعيط..
الام
خلاص بقي يا بنتي ربنا يرضي عليكي انتي تعبانه لوحدك..
فاطمه بحزن
اهو المړض اللي في ده كوم ورميت حمدي ليا وطلاقي منه كوم تاني..
ربنا كبير وقادر يصلح الحال..
فاطمه پبكاء
هجيب منين بس يا امي فلوس مش معايا ولو مش هجيب العلاج بتاعي الواد ده مش عايز مصاريف مدرسه واكل وشرب اجيب منين..
الام بحزن
انا هكلم اخوكي يزود القرشين اللي
بيبعتهم ليا..
فاطمه بسخريه
هو انتي فاكره ان جمال ممكن
يديكي فلوس زياده ده لا بيطيقني ولا
بيطيق حمدي هيصرف علي ابنه..
الام
يا بنتي اهو اقوله يمكن يبعت..
فاطمه
انا مش هشحت علي ابني ولا هخلي مرات جمال ترميلي صدقه ولا بواقيها هي وبنتها لا انا هنزل اشوف شغل..
الام
يا بت والمړض اللي جواكي ده انتي كده هتروحي مني يا نور عيني..
نزلت دموع فاطمه وقالت
وفيها ايه يبقي نصيبي كده وبمكن وقتها ايهاب يصعب علي ابوه لما يبقي يتيم وياخده يربيه في خيره..
جري عليها ايهاب وقال وهو بعيط
لا ما تسبنيش يا ماما انا مش عايز اروح المدرسه ومش عايز اكل بس خليكي انتي معايا...
فاطمه پبكاء
حسبي الله ونعم الوكيل فيك يا حمدي ربنا ينتقم منك..
_ وفعلا بقيت فاطمه بتشتغل وبتصرف عليها وعلي ابنها وكانت بتشتغل فراشه في مدرسه لحد ما في يوم المړض زاد عندها اوي وقابلت وجه رب كريم وامها اخدت ايهاب وراحت بيت حمدي وفتحتلها مراته الجديده..
فتحيه
انتي مين يا حبيبتي..
الجده
انا الحجه فوزيه جدت اسم النبي حارسه وصاينه ايهاب فين جوزك كنت عايزاه في كلمتين..
فتحيه
استني خليكي هنا علي الباب اوعي تدخلي لحد. ما اروح اندهولك..
ودخلت جوه والجده قالت
اخص عليها الدنيا القاسيه بقي يبدل بنتي المتربيه بواحده زي دي منك لله يا حمدي..
طلع حمدي وقال
عايزه ايه يا وليه انتي وجايه عندي ليه مش كنت طلقت بنتك وخلصت منها..
فوزيه بدموع
حمدي بضيق
ومين هيربيه بقي توحه مراتي مش فاضيه اصلها حامل وتعبانه..
فوزيه
طيب وابنك ده مين بس يربيه وانت عارف انا ست كبيره وورجلي
زعق فيها حمدي وقال
ارميه في الشارع يا حجه انا اصلا مش عايزه ومش ناقص مصاريف زياده..
فوزيه
اخص عليك ده ضناك انت ازاي بالشړ ده كله..
_قفل حمدي الباب في وشها ودخل وقعد جنب مراته اللي كانت مدايقه وقالت..
فتحيه
انت ليه يا راجل تعمل كده ما كنت تجيب الواد وانا هبقي اربيه مع العيل اللي في بطني..
حمدي
ده عيل فقري زي امه وبعدين عنده جدته وخالته يربوه ويصرفو عليه. افرضي معايا جاله المړض اللي عند امه اجيب منين اعالجه..
فتحيه
والله ابنك وانت حر انا ماليش دعوه بالموضوع ده انا بريت ذمتي وقولتلك
هاته..
حمدي
طلعي انتي نفسك بره الموضوع ده وانا هتصرف..
_ وفي بيت فوزيه بعد كان يوم دخل ايهاب البيت وهدومه كلها شحم ومش نضيفه وطلع فلوس واداها لجدته وقال..
ايهاب
اتفضلي يا جدتي انا اشتغلت اليوم كله مع الاسطي خلل واداني الفلوس دي واتفقت معاه كل يوم بعد المدرسه هشتغل عنده..
الجده بدموع
طيب وهتذاكر امتي بس يا ابني..
ايهاب
هبقي اذاكر قبل ما انام وعندي يوم اجازه في الاسبوع من الشغل والمدرسه هحاول اخلص بيه المذاكره اللي
ورايا..
فوزيه
ربنا يكملك بعقلك يا حبيبي..
_ بااااااك..
مسح ايهاب دموعه وقال لنفسه
مش هتصعب عليا هخليك تدوق كل نقطة مر شوفتها انا وامي بسبب انانيتك وطمعك يا حمدي...
_ وبكدا خلصت حلقة النهارده نتقابل الحلقه الجايه
