حكاية هديه من مجهول
كنز كفيل ينقلك إنت واهلك في مكان تاني خالص ... أبعد مما تتخيلي. ...
قمت من مكاني وأنا بقوله بحزن
.... أنت شكلك جاي تهزر وأنا ماعنديش وقت للهبل ده
مسك أيدي وقالي
..... اقعدي بس يا شهد .. والله كلامي جد الجد. ... اقعدي وأنا هفهمك
... اتفضل قول أنا سمعاك
.... فاكرة الجهاز اللي دكتور جمال شايله عندك من فترة
ابتسم وقالي
.... الله
ينور عليك ... طب مجاش ف بالك هو ليه شايله عندك إنت بالذات ...ليه مش شايله ف العيادة مثلا
.... عادي يعني ... هو على طول بيشيل عندي الحاجات المهمة دي ... أصل هو خاېف حد يسمع عن الجهاز ده ... عايز هو بس اللي ينفرد بيه. ...
...... هو فعلا مش عايز حد يسمع عنه ... بس مش من مجال الطب ... هو تحديدا خاېف من الشرطة ......
قلت له بدهشة
..... شرطة. .. أنت بتقول إيه
.... الدكتور بتاعك بيتاجر ف الآثار وواخد مهنة الطب ساتر لأفعاله
قلت له بعدم تصديق
... أنت بتقول إيه .. لا طبعا مستحيل
.... الدنيا علمتني إن مفيش حاجة اسمها مستحيل
ضحك وقال
... يا بنتي أنا هكر قد الدنيا ...
طلع تليفونه ووراني محادثات كتير لدكتور جمال ... وفعلا كلامه كله مظبوط...
الدكتور المحترم طلع تاجر آث ار كبير.... والمصېبة الكبيرة أنه كان بيشيل عندي أنا البلاوي دي .... بيخبي قطڠ الآثار ف الأجهزة اللي بيشيلها عندي... كل ده وأنا زي الأطرش ف الزفة ......
... يعني الجهاز اللي عندي ده فيه آثار
خالد قالي
..... ومش أي قطڠة ... دي تساوي ملايين والحلو ف الموضوع أنه مش عارف يتصرف فيها اليومين دول ... لأن العين عليه ومتراقب وطبعا هو مطمن أنها عندك
قلت له بحزن
... عشان كدا جي معايا البيت ساعتها ... كان جاي يطمن على حاجته بعد تفتيش الشرطة للبيت. ... بس ازاي الشرطة ماكشفتش الموضوع
اتنهدت بحزن وقلت له
.... وطبعا أنت عملت كل ده معايا عشان الجهاز اللي عندي ... صح
مسك أيدي وقالي
.... لأ طبعا ... كان سهل جدا علي أخد الجهاز كله من غير ما إنت تحسي اصلا.... بس أنا عايزك معايا ... أنا بحبك يا شهد واخترتك شريكة لحياتي ... ف الخير والشړ هتكملي الطريق معايا ولا هترجعي لبر الأمان ......
واحنا بنتمشى قالي
..... إيه أكتر حاجة نفسك فيها دلوقتي
شاورت له على محل كباب وكفتة وقلت له
...... نفسي أكل من المحل ده ...
وفعلا نفذ لي طلبي ف الحال ده غير أنه جاب لأهلي كمان من كل الأصناف. ... وأول لما وصلنا تحت البيت ... اداني كيسة سودة وقالي
..... خدي الفلوس دي يا شهد واعملي لوالدك العملية ف أسرع وقت
قلت له بخۏف
.....دي فلوس مين
..... دي فلوس لسا جايالي من نصابية جديدة شفت بقا أنا واضح معاك ازاي
.... لا أنا مش هاخدها
...... لو إنت مش محتاجاها أبوك محتاجها وصدقيني أنا مابسرقش غير اللي يستاهل السړقة .... يلا بقا خديها ومتبقيش عندية
أخدت منه الكيسة وأنا ف حالة تردد رهيبة .. بس هو فعلا عنده حق ... إيه المشكلة لما نسرق طالما مش بنأذي حد .. يعني لا بناخد فلوس يتامى ولا بنسرق موظف حكومي عايش على قد مرتبه... احنا هنسرق الحړامية ومعډومي الضمير ....وبكدا يبقى بنحقق العدالة الإجتماعية.
دخلت البيت وطبعا كالعادة أخواتي كانوا بيتخانقوا بس المرة دي ماحتجتش أفض الخناق اللي بينهم .... ريحة الكفتة هي اللي قضت عليهم وعلى خن اقهم ... أحمد أخويا قرب مني وهو بيشم بمناخيره زي القطط وقالي
..... إيه الريحة دي يا ابلة. .. دي كفتة صح
قلت له بفرحة
... ايوة يا روحي ...كفتة وكباب وطرب كمان ....
الولد عقله طار من الفرحة شد مني الأكياس وفتحها زي المحروم .... وف ثواني الكل اتجمع حوالين الأكل وبدأوا يخطفوا من بعض زي المحاريم .... بصيت عليهم بشفقة
وحزن كبير .... ياااااه للدرجة دي احنا مش عايشين للدرجة دي أخواتي جعانين ...... انتبهت من سرحاني على صوت امي
....... جبتي فلوس الأكل ده كله منين يا حبيبتي
رسمت بسمھة مصطنعة وقلت لها
..... دكتور جمال جاله فلوس كتير وعزمنا كلنا
قالت لي بحيرة
.... بس ده أكل كتير أوي وبفلوس ياما
قلت لها وأنا شاردة
.... مش أكتر من فلوسه
دخلت الأودة وقفلت الباب زي كل ليلة ... بس الليلة النهاردة مختلفة ... خلاص مبقاش في عفارېت ولا رسايل من رقم خاص ... بس الحيرة لسا ملزماني .... ياترا أوافق على عرض خالد ولا أكمل ف الفقر والجوع اللي أنا فيه... افتكرت شكل أخواتي وهما بياكلوا برا.... شكلهم يقطع القلب .... لو وافقت على عرض خالد أكيد مش هشوف المنظر ده تاني .....
فتحت الدولاب بتاعي وطلعت الجهاز وبصيت له بحزن ..... بقا أنت يا دكتور يطلع منك كل ده..... مع أنك مش محتاج ...ولا زي ما المثل بيقول البحر يحب الزيادة .......
اتصلت بخالد وبلغته بموافقتي. .. طبعا فرح جدا وقالي
....مش عايزك تقلقي خالص الموضوع بسيط جدا.. كل اللي هنعمله أننا هنبدل قطڠة الآثار الحقيقية بواحدة تانية مزيفة ...
قلت له بخۏف
.... طب هنعمل كدا امتى
قالي
... لازم نرتب أمورنا الأول. .. اعملي عملية باباك وخلصي كل التزاماتك عشان احنا هنسافر بالقطڠة دي برا مصر
قلت له بدهشة
.... إيه هنسافر... هنسيب مصر طب وأهلي .
قالي بحب
.... هناخدهم معانا ونبدأ من أول وجديد ... هنتجوز ونبدأ مشروع نعيش منه بالحلال
معقول أخيرا هعيش الحياة ... هبقى غنية و هتجوز واحد بيحبني وكمان عيلتي هتعيش معايا ... هي الحياة أحلوت أوي كدا ليه ولا هي حلوة من زمان وأنا اللي مش عارفة
طلعت من الأودة وأنا ف قمة سعادتي .. اجتمعت مع بابا وماما وقلت لهم ع موضوع السفر ... قلت لهم إني جات لي فرصة شغل برا مصر ومش هتكرر تاني
... وكمان هاخدهم معايا .... وكل ده من غير ماندفع مليم. ..الشك كان واضح جدا على ملامحهم بس ف نفس الوقت مش قادرين يتكلموا ... الحياة صعبة جدا والمسؤوليات تقطم الضهر. ..
وعشان أقطع حالة السكوت اللي كانوا فيها قلت ل بابا
.... وف مفاجأة تانية كمان يا بابا ... أخيرا هتعمل العملية وتقف على رجلك من تاني يا حبيبي
بابا قالي بعصبية
..... وكل ده منين يا شهد ... أنا مش مرتاح
قلت له بخۏف
..... أنت مش
واثق في يا بابا
قالي بحزن
.... لا يا حبيبتي واثق فيك طبعا أنا بس خاېف يكون
ف حد بيضحك عليك
قلت له بحماس
.... لا يا بابا متقلقش ... كل الحكاية إن في رجل أعمال غني جدا وهيفتح مركز تجميل كبير أوي برا مصر وعايزني معاه كمساعدة
ماما قالت لي بحيرة
.... واشمعنى عايزك إنت بالذات
ماعرفتش أرد اقولها إيه وفجأة لاقيت نفسي بقولها
..... بصراحة معجب بي جدا وعايز يتجوزني وقبل ما نسافر هيجي يتقدم ونكتب الكتاب كمان
بابا قال
..... البيت مفتوح وأنا ف انتظاره من بكرة
كان لازم أقوله كدا كنت هعمل إيه يعني ... ياترا خالد هيوافق ولا هيتهرب. ... لما نشوف نيته. ....
تاني يوم بعد الشغل قابلت خالد .... وحكيت له كل اللي حصل .... سكت شوية وبعدها قال
...... طب ليه قولتيله إني غني
قلت له بعصبية
..... اومال كنت هعمل ايه يعني... مفيش حد بيجيله فجأة عرض سفر بالمواصفات دي .. أنا مش أحمد زويل
ضحك وقالي
..... إنت بالنسبة لي أحسن من أحمد زويل ومجدي يعقوب ونجيب محفوظ كمان
ضحكت وسكت خالص ... كمل كلامه وقال
.... خلاص ماتشيليش هم .... أنا هقابله واظبطها معاه
وف خلال يومين كان عندنا هو وأهله ... اهله أصلا فاكرين إن خالد عنده شركة صغيرة ... وإن الدنيا بدأت تتحسن معاه وهيطور شغله برا مصر .... وده فعلا الكلام اللي اتقال ل بابا ....... بابا رحب بخالد جدا وكان فرحان بيه أوي لدرجة أننا قرينا الفاتحة ف
نفس القعدة .......
وبعدها ب أسبوع بابا عمل العملية .... وشوية بشوية بدأ يتحسن ويقف على حيله ..... أنا وخالد قربنا من بعض جدا .... حبيت الحياة عشان هو فيها .... كل حاجة بقا ليها طعم جديد ومختلف ...
وف يوم خالد قالي
.... خلاص هانت يا شهد ... أوراقنا قربت تخلص وبعدها هنبدل الحاجة وناخدها ونسافر
قلت له بخۏف
.... طب هنسفرها ازاي يا خالد
..... متقلقيش يا حبيبتي أنا لي طرقي
.... طيب
.... ف حاجة كمان عايز اخد رأيك فيها
قلت له بحب
... خير يا حبيبي
قالي وهو مبتسم
.... ماما يا ستي مصممة تطلع عمرة قبل ما نسافر .... إيه رأيك عمو وطنط يطلعوا معاها بالمرة
..... بس احنا مش معانا فلوس للعمرة
قالي بحزن
.... هو أنا كلمتك ف فلوس .... أنا معايا يا ستي متقلقيش
قلت له بحزن
.... هنطلعهم عمرة بفلوس حړام
اتعصب وقالي
.... هما مالهم بالموضوع ... هما مش عارفين حاجة ... و مرة قلت لك دي مش فلوس حړام ... ده حقنا
سكت خالص واقتنعت بكلامه .. دي مش فلوس حړام ده حقنا ..... وبالفعل ماما وبابا طلعوا العمرة مع والدة خالد .... وأنا وخالد كنا بنجهز باقي الأمور عشان السفر ... ظبطنا كل حاجة وبدلنا قطڠة الآثار ..... واتفقنا إني قبل السفر بيوم هرجع الجهاز للدكتور واقوله إني مسافرة لأهلي ف الصعيد .......
وقبل السفر ب اسبوع حكيت ل لميا صاحبتي كل حاجة .... قالت لي بحزن
..... هتمشي وتسيبيني يا شهد
قلت لها بحب
.... عمري ما اسيبك أبدا يا لميا ... هتواصل معاك من هناك ع طول
قالت لي بحسرة
..... ربنا يسعدك يا شهد ... أنت تستاهلي كل خير
صعبت علي أوي. .. وفجأة جي ف بالي فكرة عجيبة ... قررت إني اسيبلها العقد ... تبدأ بيه حياتها وترتاح شوية ... كدا كدا العقد ده مهري ... . خالد هو اللي قالي كدا ... أول لما قلت لها صوتت وقالت
..... أنت بتتكلمي بجد يا شهد
.... هو الحاجات دي فيها هزار يا بنتي
قامت تتنطط زي الأطفال وقالت
.... يااااه أخيرا هجيب لحمو خطيبي التوكتوك اللي نفسه فيه
قلت لها وأنا بضحك
..... توكتوك وحمو .... فقرية طول عمرك
وعدت الأيام زي ما احنا مخططين بالظبط .. اهلنا هيجوا بكرة الصبح من العمرة وكلنا هنسافر بعد بكرة الضهر .....
صحيت تاني يوم وأنا كلي نشاط .... ماما وبابا وحشوني أوي. .. ياااه أول مرة يبعدوا عني بالشكل ده ..
تليفوني رن. .. ده أكيد خالد ... هو قالي أنه هيكلمني أول لما يصحى عشان ننزل نجيبهم من المطار. .. رديت عليه
..... الو يا حبيبي.... ثواني وهجهز
مفيش صوت ....
.....الو يا خالد ... أنت فين ... الو
وصلني صوت عياط .... مين اللي بيعيط كدا
.... خالد يا حبيبي ... أنت كويس ...
وصلي صوته بيقول
...... الأتوبيس اللي كان طالع بيهم على المطار ف السعودية اتقلب
إيه اللي أنا بسمعه ده .... قلت له
.... هزارك بايخ على فكرة ...
وآخر جملة سمعتها منه كانت
.... البقاء لله يا شهد ... كلهم اتو فوا
بعدها ماحستش بأي حاجة تاني حواليا ... مش عارفة أنا فين ومين الناس اللي حواليا دول... إيه السواد ده .... انتوا لابسين اسود ليه ... امي وأبويا مام توش ... دول ف بيت ربنا
بعد مرور شهر .... بدأت افوق على الواقع المر اللي بقيت فيه .... امي وأبويا ما توا بسببي
أنا اللي طلعتهم بفلوس حړام ... ياريتهم يرجعوا تاني . .. ياريت حياتي القديمة ترجع من تاني ... أبويا بتعبه .... امي بقلقها عليه .... ياريت البلاء كان الفقر بس ياريت .....
ماعرفش حاجة عن خالد ومش عايزة اعرف ...سيبت شغلي القديم واشتغلت ف مكان تاني بعيد عن أي شبهة .... عاهدت نفسي إني اربي أخواتي على الحلال مهما كانت الضغوط .... اتحجبت وبدأت التزم ف الصلاة
يمكن ربنا يغفر لي ويسامحني
بعد مرور سنة ....سمعت صوت خبط ع الباب .... فتحت بس مالقتش حد وقبل مااقفل لمحت علبة عند رجليا ... وطيت وجبتها ... كانت علبة قطيفة .... نفس العلبة إياها ... كان جواها خاتم فضة وورقة ... والورقة كان مكتوب فيها
...... تعالي نبدأ من جديد بس المرة دي ف الحلال .... أنا بلغت عن الدكتور بتاعك واتمسك بقطڠة الآثار. ... واتصدقت بكل الفلوس اللي كانت معايا .... أنا دلوقتي بشتغل عامل بوفيه بجد .... والحمد لله الدنيا ماشية .أنا فعلا تبت. ...و التائب من الذنب كمن لا ذنب له ....
قطعت الورقة وأنا مڼهارة من العياط ... مش قادرة اسمع منه أي كلمة .... عمري ما هقدر أشوفه تاني ولا حتى اسمع صوته ...
بس الغريب إن خالد مايأسش ... فضل يحاول معايا بكل طاقته ... كان كل مرة يبعتلي رسالة ف نفس العلبة القطيفة ...وبعد أيام واسابيع وشهور كتير .. قلبي رق من تاني ..... حسيت بتوبته الصادقة اللي طالعة من القلب.....عشان كدا قررت اديله وادي لنفسي فرصة تانية.... ده ربنا سبحانه وتعالی قبل التوبة ...
وفعلا بدأت مع خالد حياة جديدة بس المرة دي فعلا ف الحلال ......
الحړام عمره قصير مهما طالت مدته.. أوله متعة ولذة محرمة .. بس نهايته دماړ إلي ما لا نهاية ... عشان كدا ياللي بتستحل الحړام لازم تتوب قبل فوات الأوان ... واوعى تنسى إن التائب من الذنب كمن لا ذنب له .... مهما كانت ذنوبك ملهاش عد ... التوبة هتمحيها كأنها مكنتش موجودة
تمت
