قصة حقيقة ام خيال
المحتويات
صحيت الصبح لقيت شعر كتير حواليا عالسرير
حطيت ايدي على راسي مالقتش ولا شعرة
فضلت ماسكه الشعر اللي كان مغرق السرير وببص حواليا
بحاول استوعب ايه اللي بيحصل ده
هل انا في حلم ولا ده حقيقه
قومت من سريري عشان ابص للمرايه
فضلت واقفه لحظات وما قدرتش امسك نفسي انهرت من البكاء فضلت اعيط كتير خاېفه ابص فالمريه مالقيش شعري وبعدها مشيت في خطوات بطيئه جدا
لقتني بدون شعر حتى حواجبي بقت خفيفه
و وقعت انا كمان على الارض وفضلت اعيط
اهلي كانوا بره كلهم اخويا وابويا وامي
مش عارفه اعمل ايه
افتكرت كمان ساعتها أن فرحي النهارده والفروض اهلي يجو عشان نروح الكوافير وأحمد حبيبي وخطيبي وكتبنا كتابنا يجي ياخدني من عند الكوافير عشان نروح القاعة
لسه بدور على تلفوني سمعت صوت باب الشقه بيتفتح وأمي جايه بتنده باسمي عشان تصحيني نروح الكوافير
ماما دخلت عليا الاوضه وهي بتنده اسمي وبتغنيه
شافتني مرميه تحت مرايه الدولاب بعيط بنظري ده
فضلت باصالي وهي فاتحه بقها ووقعت مغمي عليها
بابا عارف انه ما ينفعش ينهار او يبين ده
لقيته بكل هدوء بيقولي انتي كويسه يا حبيبتي
حسيت انه حضڼي من غير ما يعمل كده فعليا
قولتله انا مش عارفه في ايه صحيت لقيت شعري كله واقع
قالي ما تخافيش تعالي ننزل نكشف
قالي استهدي بالله وقومي ننزل نروح للدكتور
ماما كانت فاقت بعد ما اخويا فضل معاها ومارضتش تدخل تشوفني تاني
لبست هدومي ولبست ايس كاب اغطي بيه راسي
ونزلنا انا مش عارفه ايه اللي بيحصل أحمد هيتصل بيا كمان اربع ساعات عشان ياخدني من الكوافير وعمال يتصل من دلوقتي يطمن عليا نزلت ولا لسه وانا مش برد وعمال يبعت في رسال ويتصل باخويا وماما وبابا ومحدش بيرد عليه
قالي في نقص مفاجئ في الفيتامينات قد يكون بسبب ضغط نفسي وقالي ان في مشكلة كبيره عندك في الغدد
انا بسمع الكلام وحاسة اني بحلم ليه يحصل معايه كده وليه يحصل الصبح قبل يوم فرحي
الدكتور كتبلي ادويه كتيره وقالي لازم تهدي وما تنفعليش اكتر من كده
الكلام سهل على اي حد مش حاسس بمشكلتك
لقيته دخل محل وجابلي شكولاته والايس كريم اللي بحبهم وجاب لنفسه ايس كريم وفتحهم واصر اني اكل معاه واحنا مروحين فضل ياكل ويبصلي ويبتسم عمري ما شوفته بياكل ايس كريم او حلويات بس هوا عارف اني بحبهم
فضلت اكل معاه انا
كمان عشان مش عايزة اكسر بنفسه حسيت قد ايه الاب ده سند وضهر ليك حسيت يعني ايه حب الاهل مافيش حاجه تعوضه فالدنيا دي كلها
وصلت البيت وبابا فتح الباب فضل مصډوم مكانه
دخلت لقيت أحمد وأهله قاعدين في الصاله
واحمد لابس البدله ومنفعل لحد ما شافني
اڼصدم هوا وأهله
فضل باصصلي بيتأمل وشي بدون حواجب أو رموش وطبعا الايس كاب مش نازل منه شعر
وشه احمر وعينه عماله تتامل
متابعة القراءة
