حكاية صدفة بقلم سميرة
متلاقيني أربعة وعشرين ساعة تحت البيت
_ يا رب نعقل يا رب
نزلت من العربية ونزلت وراها _ هو بابا موقفه ايه وانتي داخلة اربعة الفجر البيت
_ أولا بابا مټوفي .. ثانيا انا قايلة لعمتو اني ناولة اقفش خطيبي في الديسكو
_ وعمتو موقفها ايه
_ قالتلي هاتي فينو معاكي
_ جبتيه
_ هو ايه
_ عمو سلامة قافل
_ عدينا على سوبر ماركت في طريقنا على فكرة
لفيت وقربت منها وانا ببتسم _ تعالي نرجع نجيبه
ابتسمت بلطف _ لا احنا متعودين على فينو عمو سلامة
ولفت _ بقولك صحيح
_ هه
_ هي العمارة كام دور
_ تسعة
_ بتحبي الأرقام الزوجية و لا الفردية
_ الفردية
_ العقرب
_ خمسة في خمسة
_ بخمسة وعشرين
_ ساكنة في الدور الكام
ضحكت وهي بتقرب مرة تانية _ لو كنت سألتني دور كام كام من الأول هيبقي أسهلك
_ ما انتي وذكائك بقا
_ شايف البلكونة الي هناك دي
_ امو ستارة زرقا
_ البلكونات كلها ستايرها زرقا
_ اه لامؤخذة
_ ايوه
_ الي جمبها
_ اه في الدور الرابع
_ ايوه شاطر .. انا في الدور التامن بقا
_ دا ايه الغتاتة دي
_ هه بنتعلم منك
طلعت و ابتسمتلها وانا بشاور زي العيل الصغير
من بعد اليوم دا وانا تقريبا قلبت عبدالحليم بفضل تحت العمارة بتاعتها واقف عند الشجرة و مشعلق راسي لفوق و ببصلها وهي بتجري وتفتح البلكونة و بتبصي بزهول بتاع كل مرة
_ صح
_ انت مواركش شغلانة
_ انتي شغلانتي
_ بقولك ايه انا الجو دا مش بتاعي
_ قوليلي جوك ايه وانا اشتريه
تبتسم تمشي خطوة بعيدة وتلاقيني لسه واقف _ طب ايه هتستناني لحد ما اجي من الشغل
_ لو دا هيثبتلك اني ....
_ انت مجن...
_ انا هجبلك الأمن بتاع العمارة خد بالك
_ امن ايه .. عمو
عبدالكريم دا الي ثبته بسجارتين كليوبترا !!! يا بنتي نهارك أبيض
_ يربي عالغتاتة
_ ألا عمتو عاملة ايه
لسه عاوزة فينو
سكتت وبصتلي بعدم تصديق اما انا قربت و غمزتلها _ اصلي جبت الفينو ومن عمو سلامة على فكرة
بعدها بشهرين من المراقبة و التحريات الي اتعملت عليها قررت اقابل عمتها وقرينا الفاتحة وبتاريخ ٥ نوڤمبر .. عيد ميلادها اعلنت الجرايد و الصحف و صفحات السويشيال زواج معتصم سيف الدين ابن رجل الاعمال المشهور في مصر و الشرق
الأوسط على بنت من خارج الوسط التجاري و السنيمائي و السياسي بعد ملحمة حب عمرها شهرين و أسبوع و تلت ساعات !
_ يااااه .. اخيرا .. اخيرا
_ اخيرا ايه ... ايه الأڤورة دي .. دا احنا اجوزنا معبرناش برليف يعني
_ تمام ماشي
_ ايه بتقرب ليه
_ هي الساعة كام دلوقت
_ واحدة
_ لسه مجاتش تلاتة يعني
_ لأ .. لسه
_ أنا ببقى مؤدب بعد تلاتة
_ وقبل تلاتة
_دا حوار هناقشه انا وانتي دلوقتي حاضر
