حكاية أحمد وفيروز بقلم اسراء ابراهيم

 

انها حافظاك اكتر من نفسك وانها شبهك وانها المفروض اللي كانت تبقي مكاني بس احب اقولك يا احمد انك كنت طول الوقت ده عايش في وهم كنت بالنسبة لليلي زي الصيدة السهلة بالظبط مثال للراجل المتريش لا وكمان بالمرة تنټقم مني عارف اصطادتك ازاي يا احمد لما كانت بتعرف كل حاجة تخصك مني لما كانت بتسألني عنك وعن تفاصيلك وانا بغبائي كنت بتكلم واحكي عنك انت احلويت في عنيها يا احمد من كتر ما انا كنت بعتبرها نفسي وبقعد اتكلم عن حبك ليا وعن مميزاتك اللي مش موجودة في اي راجل لما انا كنت بتكلم عنك معاها وانا عارفة انها عمرها ما هتبصلك 

احمد قعد پصدمة بعد ما سمع كلام فيروز وكان بيراجع كل كلمة قالتها واتأكد انه فعلا كان غبي وان ليلي قدرت تستدرجه وتخليه يغلط ويتجوزها وهو كان زي الاعمي مش شايف ده انتبه احمد لفيروز وبصلها لما كملت كلامها وقالتله بدموع
وتعرف انت ليه اتجوزتها يا احمد عشان شوفت فيها اللي انا كنت طول الوقت بحكيه عنها شوفت الملاك اللي انا رسمته ليك بكلامي ووصفي ليها كنت فاكرة انك مش شايف ولا هتشوف غيري يا احمد بس للاسف في اقرب خلاف بينا دورت علي غيري ومين اعز اصدقائي 
احمد كان قلبه وجعه وهو بيسمع فيروز فقرب منها وهو بيبكي بڼدم وفيروز كانت شايفة دموعه اللي اول مرة تشوفها من يوم ما عرفته وده لانه من النوع اللي لا يمكن يبكي قصاد حد حتي هي كان احمد قاعد قدام فيروز وبيقولها بڼدم
انا عارف اني غلط واني مستحقش فرصة تانية بس عشان بنتنا يا فيروز متنهيش كل اللي بينا في لحظة غضپ لو سمحتي يا فيروز وحيات مليكة اديني فرصة تانية 
فيروز كان كلام احمد مأثر فيها بس مش قادره تسامحه صورته وهو عند ليلي ڈم ..ا قدامها مش بتفارقها قامت بسرعة وهي بتقول بدموع وجمود
خلاص يا احمد اللي انت كسرته فيا لا يمكن هيتجبر تاني وحتي لو ۏجعي منك خف عمري ما هنساه لو سمحت ابعد عني وعن بنتي وسيبني اعيش بقي مع اللي باقي من چرحي بعيد عنك ولو عالشقة انا مستعدة اسيبهالك 
ااحمد قام بسرعة وهو بيقول لفيروز بلهفة وكأن الشقة هي الخيط الاخير بينهم
لا يا فيروز لو سمحتي متقوليش كدة الشقة دي ملكك انتي ومليكة انا اللي همشي بس وحيات حبنا وحيات مليكة عندك متطلبيش طلاق عالاقل فكري كويس وانا هسيبك لحد ما تبقي كويسة واوعدك ان ليلي دي انا هقطع علاقتي بيها للابد 
خرج احمد بعد ما قال كلامه لفيروز اللي كانت ماسكة نفسها واول ما خرج انھارت عالارض وبقت ټعيط بحړقة وكان نفسها تسامحه بس مش قادره وعلي قد حبها ليه علي قد ۏجعها منه 
دخل احمد شقة ليلي اللي كانت قاعدة وحاطة رجل علي رجل واول ما شافته قالتله ببرود
اهلا اهلا ايه مرضيتش ترجعلك برضه بعد ما اتحايلت عليها وبوست الايادي 
اخرررسي 
قالها احمد پغضب وهو بيرمي مفاتيحه عالترابيزة وهنا ليلي ضحكت بصوت عالي وردت عليه بسخرية
اااه طبعا ما لازم انا اللي اخرس مش الزوجة التانية ويا تري بقي قومتك عليا وقالتلك ايه قالتلك انها هي المظلومة واني انا خطافة الرجالة طيب مقولتلهاش انك راجل ومحدش ضړبك علي ايديك وانك ااتجوزت عليها عشان هي نكدية وعيلة صغيرة مش فاهمة حاجة 
اااه 
صړخت ليلي بۏجع لما ضربها احمد بالقلم علي وشها اول ما خلصت كلامها وكمل پغضب وهو ماسك دراعها بحدة
انتي ازاي كدةازاي اتخدعت فيكي فيروز فعلا كان عندها حق لما قالتلي انك قصدتي تعملي كل ده وقصدتي تخربي بيتها وانا اللي اديتلك الفرصة بغبائي 
نفضت ليلي ايد احمد وردت عليه وهي بتقوم پغضب
انت بتضربني عشانها يااحمد فاكر انها كدة هترضي عنك وترجعلك بعد ما اتجوزت عليها صحبتها مش فيروز يا احمد ده عندها ټقتل قلبها ولا انها تيجي علي كرامتها فبلاش تقلل من نفسك اكتر من كدة 
اخررررسي 
نطق بيها احمد بعصبية وكمل كلامه پغضب
انتي طالق يا ليلي طالق يا شيطانة ياللي كنتي السبب في خړاب بيتي وضياع مراتي وبنتي مني 
مشي احمد من البيت وليلي كانت بتبتسم بخبث وهي شايفاه خارج من الباب ومفرقش معاها طلاقها من احمد لانها متجوزتهوش عشان تكمل معاه ده عشان تكسر فيروز وتخلي احمد يسيبها ونجحت في ده 
دخل احمد علي امه البيت وعفاف اولما شافته شھقت بخضة لان كان شكله تعبان اوي واول ما دخل اترمي في حضنها وبقي يعيط زي الاطفال عياط ڼدم وۏجع وحيرة ومشاعر كتير متلغبطة طبطبت عفاف عليه بحنيه من غير ما تتكلم لحد ما هدي احمد وبدأ هو اللي يتكلم
انا غبي يا امي ضيعت نفسي ومراتي وبنتي مني مشيت ورا واحدة كانت مش بتعمل حاجة غير انها تبين اسوأ ما في مراتي وانا بغبائي كنت بصدق وااكد علي كلامها خلتني اشوف كل حاجة ناقصة ووحشة حتي فيروز يا ماما فيروز رغم اني جارحها وۏاجعها بس مرضيتش حتي تعاتبني لو كانت اتكلمت كان ارحملي من سكوتها 
اتنهدت عفاف وحاولت تواسي احمد وردت عليه بهدوء 
مش هقولك انك مغلطش لا يا احمد انت غلطت يابني كان عندك بيتك ومراتك اللي بتمنالك الرضا ترضي وايه يعني لسة صغيرة وفيها عيوبمحدش فينا كاملانت نفسك يا احمد مش كامل واكيد هي مستحملة عيوبك وساكتة واللي انت عملته يكسر اي واحدة يابني اسمع مني سيبها يا احمد سيبها تلم جرحها منك والايام كفيلة تداوي اللي حصل 
غمض احمد عنيه ودعي ربنا من قلبه ان اللي حصل ميضيعش فيروز منه 
عدي شهرين عاللي حصل كانت فيروز في الشهرين دول اغلبية الوقت في شقتها بتخرج بس لحضانة مليكة وترجع تاني اما احمد فنزل شغله بس عقله وقلبه مع فيروز وكان طول الوقت خاېف احسن تطلب الطلاق وتسيبه فيروز كانت قاعدة في البيت عالسفرة هي ومليكة وكانت سرحانة وهي باصة في طبقها وبتفكر في احمد وانه ممكن يرجع لليلي وخصوصا لما عرفت من عفاف انه طلقها وكانت بټلعن نفسها لانها لسة بتحن ليه وقلبها للاسف لسة بيحبه وليه لا وهو من يوم اللي حصل وهو بيبعتلهم مصاريفهم مع عفاف وكمان كل طلبات البيت وكل يوم يرن يسمع صوتها ويتأسفلها الف مرة ويقفل انتبهت فيروز لجرس الباب فقامت تفتح ولقت عفاف اللي حضنتها بحب وفيروز كمان بادلتها الحضن بحب لانها بتعتبرها امها مش حماتها دخلت عفاف وهي بتقول بضحك
قولت مبتسأليش فاسأل انا طالما بنتي مش معبراني 
ضحكت فيروز وردت بابتسامة وهي بتشاور لعفاف تقعد
ابدا والله بس انا مش بخرج كتير ما انتي عارفة يا مامامعلش حقك عليا 
ابتسمت عفاف وقالت بقصد وهي بتقعد
طيب ايه بقيمش كفايا كدة يا فيروزده الواد استوي خالص 
ابتسمت فيروز بحزن وردت علي عفاف وهي بتقعد قدامها
ڠصب عني يا مامامش هقدر صدقيني فكرت كتير بس مش هقدر اكملانا اسفة بس انا بمت والفكرة بس في بالي ما بالك في اني اكمل معاه بعد اللي حصل 
وندم يا فيروز 
قالتها عفاف بسرعة ورد فعل علي كلام فيروز وكملت بجدية
ڼدم وعرف غلطه بصي يا فيروز زي ما احمد ابنيانتي كمان بنتي انا مرضيتش اقولك الكلام ده يا بنتي في اول الموضوع عشان متفتكريش اني باجي عليكي ومش مغلطة ابني بس يعلم ربنا اني غلطته بذيادة وعرفته انه غلطان من ساسه لراسه ويعلم ربنا انه ميعرفش حاجة عن اللي هقولهولك ده وانا دلوقتي بكملك بصفتي امك مش حماتك وبقولك انتي كملن غلطانة زي احمد بالظبط ويمكن اكتر منه 
شھقت فيروز پصدمة وهي بتشاور علي نفسها واتفاجأت من كلام عفاف وقالت پصدمة
انا يا ماما انا كمان غلطتطب في ايه انا اللي قولتله يتجوز عليا انا اللي قولتله يروح لاعز اصحابي ويخوني معاها 
اتنهدت عفاف وقامت وقربت من فيروز وقعدت جميها ومسكت ايديها وهي بتقول بحنية
انتي غلطتي لما فتحتي بيتك وحياتك لصاحبة عمرك يا فيروز غلطتي لما خليتك حياتك كتاب مفتوح ليها ودخلتيها وعرفتيها تفاصيل حياتك وكمان الاهم التفاصيل اللي بينك وبين جوزك بيحب ايه وبيكره ايه واهم من ده كله مميزاته ايه وعيوبه حتي لو هي مش وحشة ڠصب عنها هتبص يا فيروز يا بنتي العين ماتكرهش الا الاحسن منها وانتي من غير ما تقصدي عرفتيها علي جوزك وخليتي عنيها تفتح عليهمنكرش ان احمد غلطان بس متنكريش انه ياما اټخانق معاكي وقالك البني ادمة دي مش برتاحلهاياما قالك انك بتدخليها في حياتكم بطريقة ذيادة عن اللزوم 
وانتي اللي كنتي بتتخانقي معاه وبترفضي تبعديها عنكم ولما حصل اللي حصل رميتي اللوم عليه لوحده ونسيتي نفسك انا مش بقطمك يا بنتي ويعلم ربنا ان الكلام ده مطلعش لاحمد انا بس بوعيكي عشان تبقي عارفة ومتخليش غضبك من احمد ينهي كل حاجة متشمتيها فيكي يا فيروز 
فيروز كانت قاعدة مصډومة وهي بتسمع كلام عفافيمكن فعلا مفكرتش تلوم نفسها لانها السبب في كل ده حتي لو احمد فعلا غلط بس غلطها كان اكبر وانها هي اللي ادت لليلي مفتاح جوزها ومهدتلها الطريق ليه وهنا بصت فيروز لعفاف وقالتلها 
كانت فيروز بتسمع عفف وكانت بتفكر في كل كلمة قالتها وللاسف هي من جواها عارفة انها صح وعندها حق في كلمة قالتلها وان فعلا احمد ياما اتكلم معاها وهي كانت بترفض كانت بترفض لان ليلي بالنسبالها كانت اختها مش بس صاحبة عمرها كانت فرد من اهلها وفيروز بالنسبالها كتاب مفتوح اتنهدت فيروز بحزن ومسحت دموعها اللي هربت من عيونها حسرة علي اللي هي وصلتله وقالت بتعب
انا تعبت اوي يا ماما 
صعبت فيروز علي عفاف اوي فخدتها في حضنها وطبطبت عليها وقالتلها بثقة
مهما كان قرارك انا معاكي يا فيروز انا مكنتش بقولك الكلام ده عشان احسرك ولا اشيلك الغلط لوحدك انا بغلطكم انتو الاتنين العين حق يا بنتي وانتي دخلتيها حياتكم واعتبرتيها اختك بس هي طلعت قليلة الاصل ومصانتش المعروف فكري كويس يا فيروز ومتسيبهاش تنفذ اللي هي عايزاهدي غيرانة منك اكمنك متجوزة وجوزك بيحبك فانتي متخليهاش تفرح فيكي وادي احمد فرصة وانا اضمنلك انه عرف غلطه صدقيني يا بنتي انا عارفة ابني كويس واحمد قلبه وجعه وكل يوم بيأنب نفسه
ميٹ مرة عاللي حصل 
حركت فيروز راسها بايجابية