رواية غزالة الشهاب بقلم دعاء احمد
المحتويات
و هي بتتكلم مع حليمة و بتضحك برقه شافت شهاب خارج و طالع الجنينة
ملامحها كلها اتغيرت و هي بتضغط على ايدها بقوة و عيونها لمعت بشراسة
و هي شايفه نرمين بتسلم على شهاب
دخلت اوضتها بسرعة و دخلت تاخد شاور
لأول مرة قلبها يدق بسرعة كدا و متفهمش الشعور اللي حاسة بيه
و ليه غيرانه و متضايقه من وجود نرمين بالشكل دا
الثاني و العشرون
غزال ضغطت على ايديها بقوة و عيونها لمعت بشراسة و هي شايفه نرمين بتسلم على شهاب و سامعه صوت ضحكتهم
دخلت اوضتها و هي متغاظة لأول مرة بالشكل دا من نرمين و حاسة بالغيرة و أنها نفسها تنزل ټضرب نرمين
غزال پغضب و غيرة
بنت ال هاين عليا انزل اجيبها من شعرها بالمياعة اللي هي سايقه فيها
انتي مش اقل منها أنتي مراته و شوية الحاجات اللي بتعملهم دي مش هتجيب فايدة
دخلت تاخد دش سريع و خرجت بعد شوية
وقفت أدام الدولاب اختارت فستان سماوي صيفي لحد الركبة و حزام اسود
اختارت حلق على شكل مجموعة نجوم فضي و سلسلة من نفس النوع
اخدت جزمة لونها اسود بكعب بسيط
كانت واقفه أدام المراية و هي بتحط روج لونه برتقاني خفيف مناسب جدا مع بشرتها ابتسمت بثقه و اتكلمت بمرح
مع إني خاېفة من عنيها بس زي القمر بجد اي الجمال دا يا غزالة يا بخته بيا
خرجت من الاوضة و قفلت الباب وراها
كانت نازلة السلم في نفس الوقت كان شهاب داخل البيت مع حليمة و نرمين
شهاب بص ناحية السلم شافها نازلة و اڼصدم أنها نازلة من غير النقاب او حتى طرحة و بفستان قصير رغم أنها كانت جميلة جدا يمكن أجمل من اي مرة تانية شافها بالجمال دا و خصوصا ابتسامة الدلال اللي على شفايفها
اه هي شافتها من غير النقاب قبل كدا لكن عمرها ما شافت غزال بالشكل دا حست بالغيرة منها
غزال بابتسامة
اي دا انتي هنا يا نرمين ازايك
نرمين بضيق و استفزاز
كويسة الحمد لله ايه اللي انتي عاملة في نفسك دا مش المفروض انك منقبة ازاي نازلة كدا و كمان بفستان قصير و بشعرك
و اي المشكلة لما البس كدا يا نرمين
هو في حد غريب في البيت
دا انتي و مرات عمي و هند و جوزي
يعني مفيش حد غريب
نرمين اه و ماله
شهاب كان بيبص لغزال و هو بيحاول يفهم هي بتفكر في ايه لكنه اكتفت بابتسامة جميلة
هند بسرعة مش نتغدا بقا و لا ايه انا واقعه من الجوع
شهاب كان حاسس الفضول و الاستغراب من نظرات غزال ليه
خلي نعيمة تحط الغدا يا هند شوية و راجع
هند بابتسامة من عنيا
منورة يا نرمين
نرمين بنورك يا بنت خالتي
هند سابتها و راحت ناحية المطبخ
نرمين بحدة
اي دا يا خالتي انتي مش قولتيلي ان الزفت دي تعبانة و مكتئبة و أن دي احسن فرصة اقرب فيها من شهاب بقا دي اللي تعبانة و مكتئبة مشوفتيش شهاب اخدها ازاي و مركز معها ازاي و لا كأني موجودة
حليمة پغضب
ما انتي لو
ناصحة كنتي عرفتي توقعيه بقالك اسبوع بتيجي و هي متلقحة في اوضتها و مش بتخرج
بس تفتكري هتفضل ساكته لما تعرف ان كل يوم و التاني بتيجي هنا
و اكيد بنت الجزمة هند هي اللي قالتلها أنك كل يوم تيجي بنتي و انا عارفها
نرمين اعمل ايه دلوقتي انا متضايقه منها اوي و متضايقه من نظرات شهاب ليها شايفه اخدها ازاي و مشي
حليمة مردتش عليها و راحت قعدت على إلانترية و حطت رجل على رجل و هي بتفكر المفروض تعمل اي
في المكتب
شهاب دخل و وراه غزال قفل الباب بالمفتاح و بصلها باستغراب حط ايده على خصره و ضيق عيونه بشك
مالك يا شهاب أنت كويس يا حبيبي
رفع حاجبه باستنفار
حبيبك!!
و بعدين استنى أنتي نازلة
كدا ازاي
افرضي في حد غريب
تؤتؤ أنا عارفة ان مفيش حد غريب معاك و بعدين اللي موجودين حريم ايه المشكلة بقا
شهاب مد ايده حطها على دماغها
غريبة أنتي مش سخنة
غزال بغيظ و تلقائية
يعني انت مكنتش عايزني انزل و اسيبك على انفراد أنت و ست نرمين
ليه أن شاء الله مش ماليه عنيك انا و لا ايه
اقولك روح لها بس لما تضحكوا سوا وطي صوتك يا شهاب علشان بس نظرات الغفر ليك متتغيرش
و يقولوا ان شهاب بيه الراجل المحترم بقا يضحك مع أي واحدة كدا و السلام
شهاب كان بيسمعها بدهشة لان كلامها مالوش غير تفسير واحد أنها غيرانه عليه من نرمين ابتسم بمكر و هو شايف وشها احمر من الغيظ و بتبص له بضيق
انا اه مش بحب نرمين بس برضو اللي هي بتعمله غلط غلط في حق نفسها
و بعدين أنا بقا مش هفضل مستحمله مرقعتها دي كتير و قسما بالله تكه كمان لو متظبطتش هجيبها من شعرها و أنت يا بيه تحترم نفسك و متضحكش معها و لا تهزر لان صدقني ممكن اخليك تعيش ايام نكد و أنا بصراحة يعني تعبت من النكد يا شهاب
تعبت اوي
أنا معتش عايزاه اعيش و انا حاسة ان حقوقي مسلوبة
و ابسط حقوقي أني اتعامل بطريقتي مع أي حد يحاول يقرب منك و ياخدك مني
عارفة اني أهملت علاقتنا طول الفترة اللي فاتت بس عندي استعداد أعمل اي حاجة علشانك و علشان جوازنا يستمر
شهاب أول مرة يحس بالراحة
كدا أول مرة يحس بالهدوء جانبها و أنها عايزاه زي ما هو كان عايزاها طول الوقت
هند خبطت على الباب
شهاب الغداء جاهز ياله تعالوا
شهاب ابتسم بهدوء مسك ايديها و خرج
غزال قعدت جانبه و بصت نرمين اللي كانت بتاكل بضيق
مدت ايديها حطت الاكل لشهاب شهاب ابتسم و بدأ يأكل
غزال بخبث
مبتاكليش ليه يا نرمين دا حتى أكل نعيمة بينزل على القلب مش المعدة
نرمين ببرود
بجد! جايز
بس أنا كنت فاكرة اني هدوق اكلك يا غزال و لا انتى مبتعرفش تطبخي
غزال ضحكت بسخرية لكن هند ردت بسرعة و هي بتاكل
غزال أكلها حلو اوي على فكرة و كمان بتعمل حلويات جامدة
غزال ابتسمت لأن حقيقي هند يمكن أكتر من انها تكون أخت
هي شخصية جميلة و داعم جميل ليها دايما
يمكن كل أسرارهم مع بعض
بعد مدة
غزال كانت طلعت اوضتها قاعدة مع هند بيتكلموا شهاب كان راح الشغل
هند بصراحة كان هاين عليا ازغرط يارب تقفل الموضوع دا بقا
غزال كانت حاسة بمغص و أنها دايخة
و لا ان شاء الله عنها ما قفلته هي اللي هتخسر انها بتضيع نفسها علشان واحد متجوز
هند مالك يا غزال شكلك مش كويسة
غزال من امبارح و أنا حاسة بدوخة
هند دا من اي
غزال معرفش المهم احكي لي عاملة ايه مع معتز في الشغل
هند عادي مفيش حاجة جديدة احنا اصلا اديت كل المجاميع اجازة اخدوا جزء كويس فقررت اني اديهم الحصة الجاية اجازة و بعدها بحضرهم امتحان على اخدناه
غزال
ان شاء الله خير
بليل متأخر كالعادة
غزال كانت منتظرة شهاب يرجع البيت بعد ما يخلص شغله
كانت بتقرا كتاب على اللاب توب بتاعه كانت زهقانه
حطت اللاب توب جانبها قامت غيرت و نزلت تعمل آيس كوفي لنفسها
البيت كان كله ضلمه تقريبا مفيش غير نور الطرقة هو اللي شغال
شافت ضل حد بيتسحب قريت بهدوء عرفت أنها حليمة
استغربت أنها نازلة بالشكل دا و كأنها خاېفه حد يشوفها
نزلت الجنينة كان في شخص مستنيها غزال مكنتش قادرة تتعرف عليه في الضلمة و خصوصا أنه لابس كاب على راسه
حليمة پغضب
أنت اټجننت جاي لي لحد هنا دلوقتي افرض حد شافك يا غبي
رجب بصوت واطي
في ايه يا ست الكل هو رأفت بيه اللي قالي أنك انتي اللي هتديني الفلوس
و بصراحة كدا أنا الدنيا مازمة معايا و محتاج مقدم و بعدين انا مش هقعد ارغي كتير انا قلتلك في الموبيل أني هاجي اخد الفلوس
ميه الف جنية و الا انا مش هعمل حاجة
و هخرب الدنيا على دماغكم و اروح اقولك لابنك المحترم اللي أنتي عايزاه تعمليه
لكن بقا لو خدت الفلوس بهدوء مش هيحصل حاجة
حليمة بحدة
اخرس خالص
مش عايزاه اسمع صوتك خد ادي الفلوس اللي طلبتها عايزاك تخلص بسرعة أنت فاهم
و ياله أمشي من هنا بدل ما شهاب يجي و تبقى مصېبة
رجب يطمع من عيوني يا ست الكل
اخد منها الفلوس و خرج من البيت بهدوء لأنها كانت فاتحة الباب الخلفي له
غزال كانت واقفه مش عارفه المفروض تعمل ايه مقدرتش تسمع كل كلامهم لكن شافتها و هي بتديله الشنطة طلعت على اوضتها و هي مش فاهمة معناه ايه اللي حصل دا
بعد نص ساعة تقريبا
شهاب فتح الباب لقاها قاعدة على إلانترية و سرحانه قفل الباب و دخل
سلام عليكم
و عليكم السلام ورحمة الله وبركاته
شهاب مالك قاعدة كدا ليه
غزال سكتت و هي بتفكر تقوله و لا تسكت بس هي حتى
متعرفش حليمة قالت ايه للشخص دا
و لا حاجة كنت مستنياك اتاخرت اوي
شهاب كنت بخلص كم حاجة كدا الوقت اتأخر يا غزال ياله انا هدخل اخد دش
لأن حقيقي أنا فصلت و محتاج انام
غزال بابتسامة هحضرلك الحمام
الفصل الثالث و العشرون
شهاب خرج من الحمام و هو سامع صوت خبط على الباب حط الفوطة على إلانترية و فتح لقى جده واقف أدام الباب
الحج محمود كان عارف ان شهاب زعلانه منه بعد اللي حصل و اللي قاله اخر مرة له و انه مقدرش يحمي غزال من أمها
و بسبب دا شهاب مكنش بيتعامل معه كتير و دايما واخد جنب
الحج محمود
عايز اتكلم معاك يا شهاب هستناك في المكتب
شهاب بجدية حاضر يا جدي اي أوامر تاني
الحج محمود بضيق لا
نزل و هو متضايق من اللي حصل شهاب دخل غير هدومه و نزل وراه
دخل المكتب و قعد قصاد جده بهدوء
نعم يا جدي
الحج محمود طالما اتكلمت بالطريقة دي يبقى لسه زعلان من اللي قلته أنت عارف اني مقصدش ازعلك بس لما شفت صباح ادامي و غزال حصلها اللي حصل مكنتش شايف ادامي و أنت عارفني ميهونش عليا زعلك يا شهاب
رغم ان انت و قاسم و هند و غزال أغلى ما عندي لكن أنت بالذات واخد حته من قلبي
كل ما
ابصلك افتكر ابوك الله يرحمه
كان طيب و جدع و كلمته بتمشي على الكل حتى أمك اللي محدش بيقدر عليها
كانت بتقف زي الف و حسها ميطلعش
عصبيتي و زعلي يا ابني مش شوية أنا واحد خسر ولاده الاتنين في حياة عينه
الكبير أبوك كان واخد مني كتير اوي و الصغير عمك سعد كان طيب عايش في الدنيا بقلبه
ابتسامته كفيله تخلي الهم يزول و كان غاوي السفر و ركوب الخيل و انه يكتشف أماكن مختلفه
و دي كانت أكتر حاجة بتضايقني منه
كتير كنت بزعق معه و اقوله ياريتك تبقى زي اخوك
لحد ما جيه و قالي أنه عايز يتجوز بنت من مصر اتعرف عليها و حبها
صباح لعبت عليه علشان طيب و عرفت توقعه في شباكها
كانت فاكرة انه لما يتجوزها هيغرف و يديها و أنا كمان كنت خاېف من كدا
بس لما اتجوزها كان حاكمها لحد ما في يوم حصل خڼاقه كبيرة بيني و بينه
كانت غزال وقتها عندها سنه و شهر تقريبا من ڠضبي و عصبيتي قالتله
روح يا سعد تقوم قيامتك يا شيخ و ارتاح منك
الحج محمود بكى بحړقة و هو بيكمل
وقتها خرج من البيت و ربك سمع دعوتي على ابني العربية اتقبلت بيه
ماټ سعد و خد معه الروح الحلوة و الفرح اللي كان في البيت
كانت جدتك لسه عايشة فضلت تقولي ليه يا محمود
ليه دعيتها عليه كنت سيبه دا الغلبان اللي في البيت طب و بنته دي ذنبها ايه
هدى مستحملاتش مۏت إبنها و ماټت بعدها بكم شهر كانت بتحبه اوي اكتر من اي حد رغم اني كنت رافض جوازه من صباح لكن هي اللي خلتني أوافق
و ماټ ابوك بعدها بكم سنه
غزال كانت بتكبر ادامي يوم بعد يوم و كنت بشوف فيها سعد الله يرحمه
كنت كل يوم احس بالذنب و احس اني السبب في مۏته و سبب في حزنها دايما و هي قاعدة لوحدها
و لما تبص لي كنت بخاف يجي اليوم اللي تقولي فيه ليه يا جدي
علشان كدا مكنتش بحب حد يجي عليها بس أمك مكنتش بترحم و لا بتسيب رحمة ربنا تنزل و غزال كانت پتخاف منها و بتسكت
لما أنت و هي كنتم پتزعقوا مع بعض حتى لو بدون قصد كنت بشد عليك
ڠصب عني يا ابني و الله
أنا طلعت من الدنيا ب اربع أحفاد واحده فيهم كنت مشيل نفسي ذنب وحدتها و انا برضو راجل كبير
يوم ما قولتلك تتجوزها كنت خاېف عليها من امك و من شرها و عايزاها تعرف ان لما اموت الفلوس و الأرضي مش هتروح لحد غريب و كله ليكم و لعيالكم
و لاني عارف إنك أحق واحد بيها جايز محدش غيرك كان هيستحمل اللي شفته منها
لحد ما اخدت عليك و قلبها مال لك
شهاب قام راح ناحيته و قعد
على الأرض قصاده مسح دموعه
بعيد الشړ عليك يا جدي فلوس ايه اللي بتحكي عنها الفلوس دي شوية زباله
اه نعمة لكن اشد نقمه ممكن تصيب بني آدم
و لا أنا و لا حد من احفادك عمره فرق معه الفلوس قصاد أنك تبقى معانا
و بعدين لو على أمي مبقتش تيجي جنب غزال
و لو على مۏت عمي سعد دا عمره و قدره و محدش بيهرب من قدره و صدقني هو يمكن في مكان احسن علشان هو كان طيب اوي
و بعدين أنا يا سيدي مش زعلان اصلا انا بس بتقل عليك بشوف غلاوتي عندك
الحج محمود ضحك و ضړب شهاب بخفه
تبقى عبيط لو جيه يوم و افتكرت انك ملكش غلاوة عندي
قولي بقا عامل ايه مع مراتك
شهاب بسعادة
و حماس
كويسين جدا عارف انا مبسوط اوي بجد يمكن بقالي كتير مفرحتش كدا
الحج محمود طب الحمد لله فرحتني اخيرا يا واد بس ايه مش تفرحنا بحفيد صغير كدا
شهاب ابتسم
متابعة القراءة
