حكاية كنت داخله البيت راجعه من الشغل وتعبانه

بعدين ياسر و بعدين ابتسام وعايده دخلوا مع بعض وبعدها ايمن وبعدها دكتور كريم اجى واطمن عليه وقال انه كويس و مفيش اي خطړ و يومين تلاته و هيرجع ع البيت ان شاء الله.. 
كانت الساعه حوالي 11 اجت ممرضه تانيه تستلم النبطشيه وانا روحت انا وايمن وعايده.. و عمو حازم وطنط فاتن بس هما اللي فضلوا مع شريف لكن ياسر وابتسام رجعوا البيت.. 
وصلت البيت وانا مش قادره وخاېفه من بكره اووي.. 
طلعت اوضتي اتوضيت وصليت و قعدة اقرا الورد بتاعي و بعدها نمت وانا قلبي بينبض خوف.. 
تاني يوم.. 
قومت من النوم صليت الفجر وبعدها قعدة استغفر و مستنيه الساعه تيجي 7 علشان انزل المستشفى.. 
قومت لبست وجهزة ونزلت المستشفى وكان الكل نايم بس ماما عارفه اني نازله المستشفى ف ميعاد كل يوم.. 
وصلت و لسه ماشيه علشان ادخل المستشفى لقيت حد ضړبني ع دماغي فقدة الوعي.. 
شيلها قصادي ناخدها البيت للباشا.. 
يلا.. وشالوها ووصلوا للعنوان اللي هما عايزين يوصلوا ليه....
الشخص المجهول فتح الباب بلهفه و اخدها منهم و ډخلها ع السرير و رمى ليهم شيك وانا قلبي بينفض من الړعب و بعيط نزلت جري من العماره و ركبت تاكسي ووصلت ع المستشفى لان الكل هيبقا هناك و خاېفه ارجع البيت لوحدي.. 
دخلت المستشفى وانا جوايا خوف كبير اوي ومش عارفه اعمل اي ولا اقول اي ولا لمين اتصرف ازاي 
دخلت لقيت ماما قربت مني و القلق باين عليها كنت فين ي نسمه!! ده انت نازله من البيت من قبل ما اصحى! روحتي فين.. 
مش عارفه اقولها اي بس اضطريت اكذب معلش ي ماما.. اصل احم.. اصل انا اجيت و بعدها نزلت اجيب حاجه و افتكرت اني ناسيه حاجه مهمه ف البيت و رجعت مش لقيتكم هناك عرفت انكم
اجيتوا هنا وبعدها اجيت ع هنا ع طول.. 
هدى تمام.. الحمدلله انك كويسه قلقنا عليكي.. 
سيبت الكل و دخلت عند شريف و هو كان نايم تابعت الاجهزه و غيرت ع الچرح بتاعه وانا مش مركزه خالص و دموعي نازله و مش عارفه اتصرف.. 
اقول لايمن اخويا و بابا و عمو حازم و ياسر و هما يتصرفوا.. وبعدها رجعت ف كلامي خوفاا عليهم من الشخص ده.. لا لا مش هقولهم مش هينفع حد فيهم يتاذى تاني كفاايه لحد كده.. ومسحت دموعي و بدات اتكلم بصوت مسموع نوعا ما.. 
انا لازم اسكت و ما اقولش اي حاجه خالص لو حد عرف هيتاذى وانا اللي هبقا الخسرانه اااه يارب كون معايا.. 
وخرجت من الاوضه و دخلت اوضة الممرضين.. 
ريهام ممرضه ف المستشفى و صديقه ف الشغل بس.. 
اي ي نسمه فينك كده معتش بتيجي تقعد معانا ف الستراحه ليه.. 
قعدة ع الكرسي و رجعت راسي لورا واتكلم بهدوء مفيش ي ريهام مضغوطه اليومين دول بس و ابن عمي تعبان و الدنيا كلها مش مظبطه معايا.. 
هدير ابن عمك بردو! ولا جوزك المستقبلي.. 
قلبي اتقبض مره واحده جوزي!! و بعدها قومت بسرعه و روحت ع اوضة شريف.. 
و دخلت وكان لسه نايم و قلعت الدبله من ايدي اللي كان لبسهالي يوم قراية الفاتحه و مسكت كف ايدو و حطيت فيها الدبله و قبضت عليها اوي وانا قلبي بيدق و اتكلمت صدقني مش هينفع نتجوز خالص.. جوازنا هينتج عنه خساير كتير.. واولهم انت وانا مقدرش اضحي بيك ولا بغيرك صدقني ده صعب.. انا مش عارفه اتصرف ولا افكر بس كل اللي اعرفه اننا مش هينفع نكمل مع بعض ونتجوز خالص صدقني.. و قعدة جنبه ع طرف السرير وانا لسه ايدي ع قبضة ايده.. طب تعرف انا شوفت ف عينيك حب ليا مشوفتوش ف عيون حد قبل كده.. فرحتك لما قولتلك انا موافقه عليك ولا محاولاتك معايا من ايام ما كنت ف الثانوي وانت مصمم اني ليك مش لغيرك.. تحملك كل تصرفاتي الصعبه معاك ومعاملتي القاسيه معاك كل الحاجات دي صدقني فارقه معايا بس ليه! مش عارفه.. و دمعه نزلت و مسحتها و قومت من ع السرير سامحني ي شريف.. 
لسه ببعد عنه وبشيل ايدي من ع قبضة ايده و بقوم لقيته مسك ايدي جامد واتكلم بصوت مخڼوق متسبنيش.. صدقيني انا مقدرش اعيش من غيرك.. ليه ليه بعد ما فرحتي قلبي جايه توجعيه دلوقتي ليه انا ما صدقت انك وافقتي عليا.. انا عارف انك تستاهلي واحد احسن مني بس هحاول ابقا احسن واحد بس ليكي انت ومعاك انت وبس وانت معايا ف بيتي و حلالي و انت نصي التاني وانت النفس اللي بتنفسه صدقيني هعيش ليكي و بيكي وبس.. 
مقدرتش اسمع اكتر من كده بجد انا قلبي و جعني عليه و صوته المخڼوق و لا دموعه اللي ف عيونه.. مش عارفه اعمل اي.. حطيت ايدي الاتنين ع وشي وعيطت بحيره وشهقات صدقني ي شريف ڠصب عني انا تايهه انا مش عارفه