حكاية بير الجن بقلم ريناد يوسف
المحتويات
دخلت اوضتي وانا مصمم اكتر على الرحله دي يمكن اكتر من فادي نفسه
وفتحت اللاب توب بتاعي وبحثت تانى عن بير برهوت مره تانيه والمرادي جبت الصور بتاعة البير وكبرتهم وابتديت اتفرج عليهم ومش عارف ليه حسيت وانا باصص للصور بإن فيه حاجه بتشدني للبير وبتقولى تعالا او يمكن دا إحساس نابع من كتر الحماس اللي بقيت حاسس بيه..
وبمجرد ما فادي سمع الفكره لقيت عيونه لمعوا بحماس وقالي
كنت متأكد إن انت الوحيد فيهم اللي دماغك راكبه على دماغي وهنستمتع بالرحله دي مع بعض.. وانا موافق على فكرتك جدا
شفناهم من بعيد وشاورنالهم وبصيت لفادى وقولتله
هنقولهم عالبير بس دلوقتى انما اللي هيحصل جوا البير هنخليه سر لغاية مانوصل هناك لأنى متأكد انهم مش هيوافقوا وهيبوظولنا كل حاجه بجبنهم دي عيال خوافه وانا عارفهم.
ماجد
حياكم الله ياشباب هاااه خير ياوجه البوم شايفكم
من بعيد حاطين روسكم في روس بعض وعمالين دش بتخططوا لأيه ربنا يستر منكم لما تجتمعوا انتوا الاتنين.
سامح
والله يبني معاك حق حتى انا بخاف لما اشوفهم مندمجين مع بعض.. بعدها على طول بيطلعولنا بمصېبه.
بس المصېبه يعني سي فادي طلعلنا بيها من امبارح واكيد خالد بيخطط معاه لتنفيذها.. هاه يافادي ياخويا قولي ربنا مهداكش ورجعت عن الرحله اللي مش باينلها ملامح بتاعتك دي
بالعكس دانا صممت عليها اكتر وخالد حبيبي ضافلي عليها شوية بهارات هيخليها رحلة العمر.
الاتنين بصولي وسامح هز دماغه وهو بيقولي
بهارااات ااه قولتلي.. طيب ياسيدي قولنا إضافاتك وبهاراتك ماهي سنه مطينه بطين الظاهر.
كنت هتكلم واقولهم لكن حماس فادي خلاه هو اللي اتكلم وقال
اسمع ياسيدي انت وهو احنا هنروح الرحله ونروح لبير اسمه بير برهوت ودا بيسكنه الج. ن
ماجد
الهي جن يلهفك انت وخالد في ساعه وحده يابعيد جن ايه اللي هتعمل عيد ميلادك وسطهم لا ومسافرلهم اليمن هما المحليين اللي هنا قصروا معاك في حاجه
وبعدين انت ازاي نفسك تسولك اني ممكن اوافق على حاجه زي دي
لا ياعم انا مش لاعب هابي بيرث داي تو يو وحل عني انا عيل خواف دانا بصحي حد يوقفلي بالليل وانا رايح الحمام
وانا انيل من ماجد ولما محدش بيصحى يقفلي بعملها على روحي وبنام بيها للصبح ومعترف اني اجبن مخلوق عالأرض ومش خجلان من حقيقتي. مانتلم ياجماعه وبلاش الهزار البايخ بتاعكم
متابعة القراءة
